Netflix njoftoi se po prezanton një chatbot me Inteligjencë Artificiale në aplikacionin e saj iOS si një version të vogël beta me zgjedhje. Ai do t’ju lejojë të kërkoni shfaqje dhe filma “duke përdorur fraza natyrale dhe bisedore”, thotë kompania në njoftimin e saj zyrtar për shtyp, duke dhënë shembullin e dikujt që i thotë chatbot-it “Dua diçka qesharake dhe optimiste”. Përveç kësaj, Netflix thotë se po vendos të gjithë informacionin që ju nevojitet për të bërë një zgjedhje të informuar se çfarë të shikoni në plan të parë.
“Search” dhe “My List” po zhvendosen gjithashtu në krye të faqes në televizorë pasi ato janë më të dukshme atje. Ndërkohë rekomandimet në faqen kryesore po bëhen më të përgjegjshme ndaj disponimit dhe interesave tuaja në moment. Faqja kryesore gjithashtu ka një dizajn të pastër dhe modern që pasqyron më mirë përvojën e përmirësuar që keni mësuar të prisni në Netflix.
Netflix tani po shton më shumë përmbajtje të drejtpërdrejtë në katalogun e tij të transmetimit. Mund të jeni të entuziazmuar për të parë shfaqjet tuaja të preferuara por kjo mund të jetë një “grackë” dhe mund t’ju japë dhe një gjobë të majme. Problemi qëndron pasi konsumatoerët ende mund të kenë nevojë për një licencë televizive për të parë shfaqje të drejtpërdrejta edhe nëse ato shfaqen në një shërbim transmetimi si Netflix.
Me një çmim të sapo rritur prej 174.50 £, pagesa për një licencë televizive nuk është e lirë. Megjithatë, është ende shumë më pak se gjoba me të cilën mund të përballeni për të mos pasur një të tillë. “Mospagesa për një licencë televizive mund të çojë në një gjobë prej 1,000 £ nëse zbulojmë se keni parë, regjistruar ose shkarkuar programe në mënyrë të paligjshme.”-shpjegon TV Licensing në faqen e saj të internetit.
