Në vijim të përpunimit të rezultateve, Komisioni Qendror i Zgjedhjeve, KQZ njofton se procesi i numërimit dhe vlerësimit të votave të zgjedhësve nga jashtë vendit ende është në vijim. Deri më tani janë numëruar dhe vlerësuar 75 mijë e 414 fletëvotime nga 194 mijë e 889 gjithsej, çka përbën rreth 39% të totalit të votave nga jashtë.
Procesi i numërimit për votat nga jashtë ka përfunduar për Qarkun Kukës, ndërsa përparon edhe vlerësimi i votave parapëlqyese në listën e hapur.
Ndërkohë, ka përfunduar numërimi dhe vlerësimi i votave për kandidatët me votim preferencial (të listës së hapur) në disa qarqe e zona të administrimit zgjedhor:
Qarku Shkodër: 2 KZAZ
Qarku Kukës: 2 KZAZ
Qarku Dibër: 2 KZAZ
Qarku Berat: 2 KZAZ
Qarku Korçë: 2 KZAZ
Qarku Gjirokastër: 7 KZAZ
Qarku Vlorë: 5 KZAZ
Qarku Tiranë: 2 KZAZ (PEVN)
Në total, procesi i numërimit dhe vlerësimit të votave për kandidatët ka filluar në 24 KZAZ.
