Pas komenteve të shumta kritike në rrjet lidhur me veshjen e saj në festën e ditëlindjes së parë të vajzës së saj, Lunës, Kiara Tito ka vendosur të reagojë publikisht.
Moderatorja ka ndarë në Instagram një foto nga sfilata e Chanel pranverë-verë 2002, duke sqaruar se pikërisht ky ka qenë burimi i frymëzimit për fustanin që kishte zgjedhur për eventin.
Për fustanin e ditëlindjes së Lunës u frymëzuam nga një sfilatë e Chanel koleksioni pranverë-verë i vitit 2002, për të gjithë kritikët
– ka shkruar ajo, duke e shoqëruar me një ton ironik.
Për më tepër, Kiara u ndal edhe te komentet për pamjen e saj gjatë festës:
Dhe jo, nuk kisha vapë, isha super rehat!
Me këtë reagim, ajo ka dhënë një përgjigje të drejtpërdrejtë ndaj kritikave, duke theksuar të drejtën për të zgjedhur lirisht stilin e saj, pa u ndikuar nga paragjykimet në rrjete sociale.
