Uji mund të jetë thelbësor për rutinën e përditshme të shumë njerëzve, por për disa ai mund të shkaktojë probleme, përfshirë dehidratimin. NEWBY HANDS tregon pse moslarja e fytyrës, një teknikë kujdesi e preferuar nga Salma Hayek, Carolyn Murphy, Kate Hudson dhe Cameron Diaz, ka sjellë një ndryshim të vërtetë në pamjen dhe strukturën e lëkurës së saj.
Gjithçka nisi kur Angela Caglia, një nga estetistet më të kërkuara në botë, më tha: “Nuk e kam larë fytyrën prej 26 vitesh.” Ajo di gjithçka për kujdesin e mirë të lëkurës dhe ka një ten të pastër e me shkëlqim, që sfidon klimën e thatë dhe cilësinë e dobët të ajrit në LA. “Një zonjë franceze fantastike më tha të mos e pastroja fytyrën në mëngjes vetëm në mbrëmje, kur përdor një vaj pastrues, që të mos dëmtoj barrierën e lëkurës dhe që atëherë nuk e kam larë më në mëngjes,” shton Caglia.
Kjo qasje “pa ujë” nuk më bëri shumë përshtypje në fillim, unë isha nga ato që ndihesha sikur fytyra nuk ishte vërtet e pastër, nëse nuk përdorja një pastrues balme dhe peshqir të ngrohtë në mbrëmje, e më pas nuk e shpëlaja mirë me ujë fytyrën në mëngjes pas një xheli shkumues. Derisa Olivia Palermo më tregoi rutinën e saj profesionale të bukurisë. Ajo viziton dy dermatologë, një prej të cilëve e këshillon çdo dy javë për të përditësuar rutinën. “Kur jam në Francë, për shembull, ku uji e than më shumë lëkurën, kujdesem të kem gjithmonë produktet e duhura me vete,” shpjegon ajo. Disa ditë më pas, grimierja Katie Jane Hughes më rrëfen se, sipas këshillës së Salma Hayek, ajo e ka zëvendësuar larjen e fytyrës në mëngjes me freskimin e saj me një tonik, dhe kjo ka qenë revolucion për lëkurën e saj më të yndyrshme. Edhe supermodelet kanë bërë të njëjtën gjë, Carolyn Murphy i ka thënë ekipit tonë të bukurisë se thjesht e shpëlaj fytyrën me ujë, dhe njësoj vepron edhe Rosie Huntington-Whiteley.
Meqenëse tani fokusi është tek ruajtja e barrierës mbrojtëse dhe mikrobiomit të lëkurës, duket se, edhe pse jemi më të vetëdijshëm për produktet që përdorim, nuk e kemi menduar se uji mund të jetë problematik dhe për shumëkënd nuk është. Por, nëse keni lëkurë të thatë dhe pothuajse gjithmonë të dehidratuar, si unë, ose të prirur për tharje, skuqje dhe ndjeshmëri, kufizimi i ujit që përdorni dhe ndryshimi i mënyrës se si e përdorni (më poshtë do ta shpjegoj), mund të sjellë përmirësim të madh. Edhe lëkura me tendencë yndyre mund të përfitojë, pasi larja në mëngjes me pastrues shkumues mund ta zhveshë tepër lëkurën nga vajrat natyralë, duke e shtyrë atë të prodhojë më shumë yndyrë për ta kompensuar.
Kur përdorni ujë në fytyrë, ndryshoni pH-në natyrale të lëkurës.
Shkalla e pH varion nga 0 në 14, me 7 si “neutral”, por lëkura jonë është natyralisht paksa acidike, rreth 5.5 dhe shtresa acide është pjesë kyçe e barrierës mbrojtëse, duke ndihmuar në ruajtjen e një mikrobiomi të shëndetshëm. Uji i rubinetit është pak alkalin, rreth pH 7.5, dhe megjithëse shumë produkte kozmetike janë formuluar për të punuar me lëkurën, uji që përdorim bashkë me to nuk është gjithmonë i përshtatshëm. “Uji mund ta zhvendosë mjedisin e lëkurës nga acidik në pothuaj alkalin, dhe kjo çon në tharje,” thotë Czech. Lëkura do ta rikthejë vetë balancën, por kjo mund të zgjasë deri në një orë ose më shumë, duke shkaktuar te disa tharje, dehidratim dhe ndjeshmëri. Pasi hoqa larjen e mëngjesit, kuptova se pjesa më e madhe e rutinës sime pastruese ishte në fakt për të zbutur efektet tepër-tharëse të ujit.
Një mënyrë për të kundërshtuar këto efekte është përdorimi i një toniku menjëherë pas larjes dhe tharjes së fytyrës. “Jo një esencë, locion, spraj ose peeling, por një tonik i vërtetë,” këshillon Czech. “Njerëzit shpesh mendojnë se toniku është hapi i dytë i pastrimit, por nuk është: funksioni i tij është të rikthejë balancën e lëkurës.” Edhe temperatura e ujit ka shumë rëndësi. “Ka një tendencë të madhe për të përdorur peshqirë të nxehtë për pastrim, por nxehtësia nuk është e mirë për lëkurën,” thotë Tina Craig, themeluese e UBeauty.
Kur isha e vogël, nëna më thoshte gjithmonë të përdor ujë të ftohtë për fytyrën; në Kinë ne pimë ujë të nxehtë, por kurrë nuk e vendosim në fytyrë.
Prej disa kohësh po ndjek këshillën e Caglia-s: pastrim i kujdesshëm në mbrëmje, ndërsa në mëngjes përdor produktet e mia si zakonisht, por pa larje me ujë. “Përveç rasteve kur keni akne, në mëngjes lëkura duhet të jetë në gjendje optimale, kështu që pse ta prishni?” arsyetonte ajo. Kur përdor ujë në mbrëmje, ai është i vakët, siç këshillon Craig, dhe gjithmonë përdor një tonik pas pastrimit, siç udhëzon Czech. Por në mëngjes fytyra mbetet e palarë dhe ndryshimi është vërtet i jashtëzakonshëm. Lëkura ime mbetet pak e thatë, por kjo është tipologjia me të cilën kam lindur; ajo që ka ndryshuar është dehidratimi kronik. Përmirësimi erdhi shpejt, brenda pak ditësh. Madje po përdor më pak serume, zakonisht vetëm një (aktualisht alternoj Dr. Barbara Sturm Super Anti-Aging Serum dhe Joanna Czech The C+ Serum) dhe një krem fytyre. Javën e kaluar, gjatë një trajtimi, estetistja që po më punonte lëkurën tha:
Lëkura juaj është e mrekullueshme, e balancuar dhe, në fakt, jeni një nga të paktat që nuk ka asnjë shenjë dehidratimi.
