Gjenerata e tretë e modelit Compass do të jetë një klon teknologjik i Peugeot 3008, por me dizajn të njohur “katror” të Jeep-it. Pamjet që kanë dalë në internet e konfirmojnë këtë, por do të presim një konfirmim zyrtar. Jeep ka shpërndarë kohët e fundit një seri imazhesh “render” të Compass të ri, përfshirë edhe një version plotësisht elektrik.
SUV-i do të debutojë këtë vit dhe prodhuesi amerikan ka konfirmuar tashmë se Compass-i i ri do të prodhohet në Itali, në fabrikën e Melfi, në fund të vitit 2025. Para së gjithash, mund të shohim që brezi i tretë i Compass ka vazhduar të përdorë dizajnin e jashtëm të spikatur katror, me elemente skulpturore, ashtu si Avenger. Sigurisht, janë të pranishëm edhe elementët mbrojtës plastikë, të cilët i japin më shumë qëndrueshmëri.
Brenda, udhëtarët do të gjejnë një ekran më të madh për sistemin multimedial, disa butona fizikë, shumë hapësirë për depozitimin e gjërave, çati panoramike dhe një hapësirë çatie elektrike (në nivelet më të larta të pajisjeve), ekranin head-up dhe mbulesa lëkure me një seri të qepjeve. Compass i ri do të jetë i ndërtuar mbi arkitekturën STLA Medium të Stellantis, një platformë që ndan me modele si Peugeot 3008 dhe 5008, Opel Grandland dhe Citroen C5 Aircross.
