Punëtorët e fabrikës më madhe në Evropë, Volkswagen, pritet të nisin greva të reja në nëntë fabrika në Gjermani, për herë të dytë brenda një jave. Grevat po shihen si mënyrë për rritje të presionit ndaj menaxhmentit, në ditën kur do të zhvillohet një rund i ri negociatash për ulje pagash dhe mbyllje të disa fabrikave brenda vendit. IG Metall, sindikata që përfaqëson shumicën e punëtorëve të Volkswagenit, është duke injoruar thirrjen e kompanisë që punëtorët të pranojnë një ulje page prej 10 për qind, në mënyrë që t’i ndihmojnë kompanisë për të mbetur konkurruese në treg.
Sindikata është duke kërkuar që të 10 fabrikat në Gjermani të vazhdojnë të jenë të hapura dhe që rreth 130.000 punëtorët e Volkswagenit të vazhdojnë të pranojnë garanci të punësimit. Greva katërorëshe është thënë se do të nisë në mëngjesin e së hënës. Greva prek nëntë prej 10 fabrikave të kompanisë që janë funksionale në Gjermani. Volkswagen ka raportuar humbje të vogla në prodhim, pas grevës së parë, ka thënë një zëdhënës i kompanisë ditë më parë.
Prodhuesit kryesorë në Gjermani po luftojnë me krizën dhe tregu i makinave të reja po vuan gjithashtu. Shifrat e shitjeve tani ruajnë një pamje të pesimizmit të butë, por edhe një largim të plotë nga makinat elektrike. Nuk ka subvencione shtetërore, pra nuk ka shifra të kënaqshme të shitjeve. Në muajin nëntor janë shitur 244544 automjete pasagjerësh, që është një rënie e lehtë prej 0.5 për qind krahasuar me një vit më parë.
Hatchback i ri kompakt, Volkswagen do të jetë një automjet ekskluzivisht elektrike dhe do të ndërtohet në platformën e ardhshme të Sistemeve të Shkallëzueshme (SSP). Disa javë më parë, VW dhe prodhuesi amerikan, Rivian nisën një sipërmarrje të përbashkët prej 5.8 miliardë dollarësh për të dizajnuar arkitekturën elektrike dhe softuerin për veturat e gjeneratës së ardhshme. Golf 9 ndoshta do të jetë automjeti i parë në atë platformë.
