Këngëtarja shqiptare me famë ndërkombëtare, Rita Ora, ka ndarë një moment të dhimbshëm familjar me ndjekësit e saj, duke shprehur keqardhjen për humbjen e maçokut të saj të dashur, Bruni.
Në një postim prekës në Instagram, Rita ka publikuar disa imazhe të Brunit, duke e kujtuar me fjalë të ngrohta e plot dashuri. Ajo shkroi:
Lamtumirë anëtarit të vetëm të familjes që gjithmonë na bashkonte. Të dua, Bruni! Kur kafshët shtëpiake largohen, ato nuk na braktisin përgjithmonë – ato thjesht na shikojnë nga një vend tjetër, ndoshta më i rehatshëm për ta.
Postimi i Ritës ka prekur zemrat e ndjekësve të saj, të cilët kanë ofruar ngushëllime dhe mbështetje për këtë humbje të madhe.
Për këngëtaren, Bruni ka qenë më shumë sesa një kafshë shtëpiake; ai ka qenë një pjesë e pandashme e familjes dhe një simbol i dashurisë dhe bashkimit mes tyre.
Rita, e njohur për dashurinë e saj të thellë ndaj kafshëve, ka shpërndarë shpesh momente të veçanta me maçokun e saj në rrjetet sociale, duke treguar lidhjen e ngushtë që kishte me të.
Humbja e Brunit është padyshim një moment i dhimbshëm për këngëtaren dhe familjen e saj, që tani po përballen me këtë ndarje të rëndë.
