Këngëtari britanik Robbie Williams ka folur hapur për qëndrimin e tij të fortë ndaj përdorimit të celularëve nga fëmijët, duke e krahasuar dhënien e tyre me një formë të rrezikshme të abuzimit.
Në një intervistë për ITV News, babai i katër fëmijëve theksoi se nuk ka ndërmend t’u japë pajisje teknologjike fëmijëve të tij për një kohë sa më të gjatë të mundur.
Ata nuk kanë telefona. Nuk do të kenë telefona për aq kohë sa të jetë e mundur nga ana njerëzore. Dhe e dini, ata do të thonë: ‘Unë jam në shkollë, të gjithë të tjerët kanë telefon, pse të mos kem edhe unë?’, them unë me ashpërsi. Është kaq e thjeshtë
Williams shtoi se edhe vetë e ka të vështirë të përballojë presionin dhe ndikimin e internetit.
Jam 51 vjeç, nuk mund ta përballoj natyrën gërryese të internetit dhe gjërave të tjera. Më dhemb. Ma prish ditën
Në një deklaratë të fortë, Robbie e krahasoi përdorimin e teknologjisë nga fëmijët me substanca të rrezikshme:
Si mund t’ia jap këtë ilaç një fëmije dymbëdhjetë vjeç? Si mund t’ia jap këtë ilaç një fëmije shtatëvjeçar? Është abuzim.
Robbie dhe bashkëshortja e tij, Ayda Field, janë prindër të katër fëmijëve: Theodora “Teddy” Rose, Charlton “Charlie” Valentine, Colette “Coco” Josephine dhe Beau Benedict Enthoven.
Çifti ka zgjedhur t’i mbajë fëmijët larg vëmendjes publike, me përjashtim të Teddy-t, e cila u shfaq në dasmën e Princeshës Eugenie në vitin 2018.
Këngëtari ka nisur turneun e tij “Britpop” në maj, në mbështetje të albumit me të njëjtin emër, i cili pritet të publikohet më 10 tetor. Qëndrimi i tij ndaj teknologjisë për fëmijët ka nxitur diskutime të gjera mbi ndikimin e pajisjeve digjitale në zhvillimin e tyre dhe mbi mënyrën se si prindërit duhet të menaxhojnë ekspozimin ndaj internetit dhe rrjeteve sociale.
