Rumer Willis, aktorja 37-vjeçare dhe bija e legjendave të Hollywood-it, Bruce Willis dhe Demi Moore, ka reaguar ndaj komenteve që e akuzonin se jeton me privilegje si “nepo baby”, duke bërë të qartë se ajo është e vetmja përgjegjëse për kujdesin e vajzës së saj 2-vjeçare, Louetta.
Willis, e cila mirëpriti vajzën e saj me ish të dashurin Derek Richard Thomas në 2023, postoi një Reel në Instagram me titull “Single Moms Be Like”, ku tregohej duke menaxhuar detyra të përditshme si drekat, lojërat, përgatitjen e ushqimeve dhe ushtrimet fizike.
Ajo më pas shtoi një mesazh drejtpërdrejt për ndjekësit:
Unë punoj në katër punë të ndryshme për të siguruar jetesën e vajzës sime. Jam e vetmja që e mbaj atë. Nuk jetoj nga një ‘trust fond’ apo marr para nga prindërit e mi. Shumicën e kohës nuk kam ndihmë me të.
Për më tepër, aktorja theksoi se nuk i sheh prindërit e saj si një “plani rezervë” dhe ndihet krenare për përpjekjet e saj.
Ajo shtoi:
Unë jam shumë e vetëdijshme për privilegjet që kam, por ky postim nuk ka të bëjë me krahasime. Thjesht po tregoja jetën time dhe punën që bëj për vajzën time.
Rumer gjithashtu kujtoi për sfidat e saj si nënë e vetme, duke thënë se disa ditë janë të vështira, por që ajo arrin të balancojë çdo gjë për vajzën e saj.
Në 2024, pas ndarjes nga Thomas, ajo deklaroi se po menaxhon bashkëprindërimin dhe jetesën si nënë e vetme.
Kjo deklaratë merr një rëndësi të veçantë duke marrë parasysh pasurinë e konsiderueshme të prindërve të saj: Bruce Willis ka një vlerë të vlerësuar prej rreth 250 milion dollarë, ndërsa Demi Moore rreth 200 milion dollarë.
Rumer është motra e madhe e Scout, 34 vjeç, dhe Tallulah, 31 vjeç, dhe të treja vazhdojnë të mbështesin babanë e tyre, i cili nga viti 2023 përballet me frontotemporal dementia (FTD), një sëmundje progresive e trurit që ndikon në sjellje dhe personalitet.
Willis ka ndarë me ndjekësit momentet e saj më të dashura me babanë, duke përfshirë kënaqësinë e tij kur takon nipërit e mbesat, përfshirë Louetta-n, duke treguar se, pavarësisht sfidave, familja mbetet prioritet.
