Policia Kufitare në Vlorë ndërhyri pas një denoncimi nga qytetarë, të cilët raportuan për një mjet lundrues tip Jet Ski që ishte afruar rrezikshëm pranë bregut në zonën e Karaburunit, duke shkelur perimetrin e sigurisë dhe vënë në rrezik pushuesit.
Sipas policisë, drejtuesi i Jet Ski-së, shtetasi me iniciale E.U., u ndëshkua me një masë administrative prej 500.000 lekësh të rinj për shkelje të rregullave të lundrimit dhe cenim të perimetrit të sigurisë.
Autoritetet theksojnë se mjeti u bllokua në pikën e dedikuar për sekuestrimin e mjeteve lundruese dhe paralajmërojnë se kontrollet në vijën bregdetare do të vijojnë.
Policia e Shtetit iu bën thirrje të gjithë drejtuesve të mjeteve lundruese, që të respektojnë rregullat e sigurisë detare, duke theksuar se shkeljet që rrezikojnë jetën e pushuesve do të ndëshkohen ashpër.
