Hulumtimet prospektive kanë treguar se gratë që gjatë shtatzënisë kanë shëndet mendor të mirë kanë fëmijë me rrezik më të ulët për probleme sjellore dhe zhvillimorë. Një studim i publikuar në “PubMed” raportoi se çdo rritje në nivelin e mirëqenies mendore të nënës lidhej me ulje të konsiderueshme të shanseve për probleme emocionale tek fëmija.
Një tjetër studim i botuar në BMC Psychology tregoi se gjumi i mirë dhe reduktimi i stresit gjatë shtatzënisë kanë ndikim pozitiv në gjendjen psikologjike të nënës dhe në shëndetin zhvillimor të fëmijës.
Gratë që raportuan nivele më të larta të relaksimit dhe cilësi të mirë të gjumit kishin fëmijë me më pak simptoma ankthi dhe sjellore gjatë viteve të para të jetës.
Këto studime nënvizojnë lidhjen e fortë mes mirëqenies mendore të nënës dhe zhvillimit të shëndetshëm të fëmijës, duke treguar se shëndeti mendor i nënës gjatë shtatzënisë është një faktor kyç për rezultatet afatgjata të fëmijës.
