Taylor Swift ka folur për lidhjen e saj me sportistin e Kansas City Chiefs, Travis Kelce, duke treguar se si ata mbështesin njëri-tjetrin në karrierë dhe pasionet personale. Në një intervistë për BBC Radio 2, këngëtarja 35-vjeçare tha se e do partnerin për shkak të mbështetjes që ai i jep në krijimtarinë dhe muzikën e saj.
Swift mohoi gjithashtu thashethemet se do të ndalojë muzikën pas lidhjes me Kelce, duke theksuar se partneri e mbështet plotësisht.
Ajo shtoi me humor se karrierat e tyre kanë shumë ngjashmëri, pasi të dy performojnë në stadiume të mëdha:
Kur unë jam në ato stadiume, është një dhomë grimimi; kur ai është aty, është një dhomë zhveshjeje.
Këngëtarja përshkroi marrëdhënien e tyre si një lidhje të mbushur me pasion dhe mbështetje të ndërsjellë, duke shtuar:
Jemi të dy konkurrues, por në mënyra argëtuese.
Lidhja e tyre, e njohur prej më shumë se dy vitesh, duket se kombinon dashurinë dhe përkushtimin ndaj karrierave të tyre.
