Muajt në vijim premtojnë shumë emocion në ekranin e vogël – me rikthime të bujshme të serialeve fituese të çmimeve dhe hite të mëdha. Ja cilat do të ndjekim me padurim…
Only Murders in the Building
Pjesërisht podcast krimi i vërtetë, pjesërisht komedi në stilin e TikTok-ut, dhe pjesërisht shkëlqim klasik i Nju Jorkut – ky serial është i përkryer për frymën e kohës. Në sezonin e pestë, Selena Gomez, Steve Martin dhe Martin Short bashkohen sërish për të hetuar vdekjen misterioze të portierit të tyre të dashur, Lester. Prisni humorin dhe çmenduritë e zakonshme – plus, mysafirë të veçantë si Meryl Streep, Da’Vine Joy Randolph, Renée Zellweger dhe Beanie Feldstein.
Nobody Wants This
Ndoshta seriali më i ëmbël që solli viti 2024… Nobody Wants This është një rom-com i realizuar me mjeshtëri. Pas suksesit të papritur të sezonit të parë në Netflix, pritshmëritë janë të larta për vazhdimin. Të gjithë duan të shohin si do të zhvillohet lidhja e pazakontë mes podcaster-it Joanne (Kristen Bell) dhe rabinit Noah (Adam Brody), ndërsa personazhet dytësorë si Justine Lupe, Jackie Tohn dhe Timothy Simons i japin serialit doza të forta humori.
The Diplomat
Një nga serialet më intrigues të momentit, The Diplomat shkon edhe më tej në sezonin e tretë me skandale dhe tension. Keri Russell rikthehet si ambasadorja amerikane në Mbretërinë e Bashkuar, ende krejtësisht jashtë kontrollit, ndërsa kaos shpërthen gjithandej. Allison Janney ribashkohet me ish-kolegun e saj nga The West Wing, Bradley Whitford – një dyshe toksike e pandalshme.
Chad Powers
Glen Powell siç nuk e keni parë kurrë më parë: me proteza, një paruke të dyshimtë dhe plot transformim, ai kalon nga një ish-lojtar i turpëruar i futbollit amerikan në një lojtar të panjohur me potencial të madh, për të shpëtuar një ekip kolegji. Inspiruar nga një shaka virale e Eli Manning, dhe bashkë-shkruar nga vetë Powell, ky është një rrëfim rikuperimi me humor fizik dhe momente sportive të forta. Imagjinoni një përzierje mes Friday Night Lights, Ted Lasso dhe Mrs. Doubtfire.
The Bear
Jeremy Allen White dhe grupi i tij kaotik i kuzhinierëve – Ayo Edebiri, Ebon Moss-Bachrach, Lionel Boyce dhe të tjerë – rikthehen në sezonin e katërt, menjëherë pas përfundimit dramatik të sezonit të kaluar. Prisni sërish cameo nga yje si Jamie Lee Curtis, Olivia Colman dhe Sarah Paulson – dhe, sigurisht, tension maksimal në kuzhinë. Po, shef!
Too Much
Fansat e Girls, gëzohuni: Lena Dunham rikthehet me Too Much, një sagë ndarjeje e zgjuar që ndjek Megan Stalter (e njohur nga Hacks) si një Nju Jorkeze e papërmbajtshme që ikën në Londër në kërkim të vetvetes dhe dashurisë. Me një kast të shkëlqyer (Emily Ratajkowski, Adwoa Aboah, Will Sharpe, Andrew Scott, Naomi Watts, Rhea Perlman), dialog të mprehtë dhe interpretim magnetik, Too Much konfirmon se Dunham ka ende syrin më të mprehtë për shpërbërjen njerëzore.
Call Her Alex
Alex Cooper – truri pas podcast-it të suksesshëm Call Her Daddy, ku ka intervistuar nga Kamala Harris te Hailey Bieber – është një nga historitë më të mëdha të suksesit në internet. Ky dokumentar me dy pjesë ndjek rrugëtimin e saj nga një vajzë e re me ëndrra sportive te themeluese e një perandorie mediatike, teksa përgatitet për turneun e saj të parë live.
The Summer I Turned Pretty
Një trilogi e thjeshtë për të rinjtë nga autorja Jenny Han, u kthye në një obsesion televiziv shumëbrezor. Tani vjen finalja e madhe – dhe miliona fansa anembanë botës janë gati të zbulojnë si do të përfundojë trekëndëshi dashuror mes Isabel “Belly” Conklin (Lola Tung) dhe vëllezërve Conrad (Chris Briney) dhe Jeremiah Fisher (Gavin Casalegno).
Wednesday
Fansat e gotikut, gëzohuni: Jenna Ortega është rikthyer me vështrime vdekjeprurëse në sezonin e dytë të Wednesday, spin-off-it nga The Addams Family i realizuar nga Tim Burton. Ky sezon premton më shumë aventura të errëta, sekrete të dyshimta dhe magji të çuditshme – plus një drejtor të ri të dyshimtë, luajtur nga Steve Buscemi. Dhe, në stilin e vërtetë të Burton-it, një kolonë zanore origjinale nga Danny Elfman për t’i shtuar hijesinë.
The Morning Show
Është e vështirë të besohet që jemi tashmë në sezonin e katërt të çmendurisë që është The Morning Show. Jennifer Aniston dhe Reese Witherspoon rikthehen si drejtueset e rrjetit të sapo bashkuar UBA/NBN, dhe, si zakonisht, seriali është pjesërisht thriller, pjesërisht komedi e zezë. Me Jeremy Irons dhe Marion Cotillard që i bashkohen kastit, duket se kaos i ri është fare pranë.
And Just Like That
Ikonat e Sex and the City – Carrie, Charlotte dhe Miranda – rikthehen me një kapitull të ri të spin-off-it të famshëm. Prisni më shumë aventurat e tyre në Nju Jork: nga kokteilet me martini e deri te veshjet mahnitëse, falë stilistes Patricia Field. A do të përfundojë Carrie më në fund me Aidan-in? Të gjitha do të zbulohen…
