Në konferencën e tij të parë si trajner i Shqipërisë, Rolando Maran, zbuloi detaje lidhur me detyrën e re, teksa paralajmëroi se objektivat e vendosur janë të vështirë, por jo të pamundur për t’u arritur.
Fitorja e Nations League dhe kualifikimi në finalet e Euro 2028 mendoj se janë objektivë mjaft ambiciozë, por jo të pamundur. Nëse do të ishin të tillë nuk do të isha sot këtu.
Sipas trajnerit italian, në zgjedhjen e tij ndikoi edhe miqësia me De Biasi-n.
Me Gianni-n na lidh një miqësi e hershme përveç pasionit që kemi për futbollin. Përpara se të pranoja kam biseduar edhe me atë dhe sigurisht që kam dëgjuar konsidertat që kishte për periudhën që kaloi këtu, zbuloi Maran.
Për 62 vjeçarin, Shqipëria nuk është kombëtare e panjohur se siç tha, ai ka mundur të shikojë nga afër gati të gjithë lojtarët kuqezi, të cilët luajnë në Serie A.
Lojtarët e Shqipërisë, të cilët luajnë në Itali i njoh shumë mirë të gjithë. Disa prej tyre i kam patur edhe si kundërshtarë, pohoi tekniku italian.
Mes të tjerash, Maran njoftoi se do të transferohet në Shqipëri.
Ka qenë njëra prej temave të para që kam biseduar me presidentin e Federatës. Mendoj se për mua është i rëndësishëm fakti që të transferohem këtu në Shqipëri.
