Një veprim i papritur në rrjetet sociale ka ngritur dyshime për prishjen e një prej miqësive më të njohura të showbiz-it shqiptar.
Einxhel Shkira nuk i ndjek më në Instagram Fjoralba Ponarin, Argjira Spancën dhe Graciano Taganin, ndërsa edhe ata kanë bërë të njëjtin veprim ndaj saj.
Ky “unfollow” i ndërsjellë ka mjaftuar për të ndezur spekulime, sidomos duke ditur se miqësia e tyre ishte prej vitesh e konsoliduar dhe shpesh e ekspozuar publikisht.
Fjoralba dhe Argjira madje e kishin vizituar Einxhelin gjatë qëndrimit të saj në Big Brother VIP Albania.
Pak pas zhurmës mediatike, Graciano Tagani reagoi në mënyrë të tërthortë me një InstaStory ku shkroi:
Mirënjohja është virtyti më i mirë i çdo personi!
-mesazh që u interpretua si thumb ndaj situatës.
Ndërkohë, Einxhel Shkira, Fjoralba Ponari dhe Argjira Spanca kanë zgjedhur të heshtin, duke mos dhënë asnjë shpjegim publik për këtë ndarje të papritur virtuale.
