Së fundmi nisi procesi gjyqësor ndaj aktivistes së klimës Greta Thunberg, për një vepër kundër rendit publik pas protestave të organizuara në qendër të Londrës vitin e kaluar. 21-vjeçarja nga Suedia u arrestua gjatë protestës pranë hotelit InterContinental në Londër më 17 tetor, ku drejtuesit e kompanive të naftës po mblidheshin për eventin e Forumit të Inteligjencës Energjetike.
Thunberg bëhet e ditur se është liruar nga akuzat. Thunberg, e cila u bë një aktiviste e shquar në mbarë botën pas organizimit të protestave me javë të tëra jashtë parlamentit të Suedisë në vitin 2018, u lirua në Gjykatën e Magjistraturës së Westminsterit nga një akuzë sipas Aktit të Rendit Publik.
Thunberg ishte një nga dhjetëra personat e arrestuar në tetor jashtë një hoteli në Londër, ku Forumi i Inteligjencës së Energjisë po priste drejtuesit e industrisë së naftës dhe gazit. Ajo dhe katër persona të tjerë, nga mosha 19 deri në 59-vjeç, u akuzuan se nuk iu bindën urdhrave të policisë për të zhvendosur protestën e tyre në një vend të caktuar pranë konferencës. Megjithatë, gjykatësi John Law tha se kushti i vendosur ndaj protestuesve ishte i paligjshëm sepse policia mund të kishte vendosur më pak kufizime dhe sepse kushtet nuk ishin të qarta.
