Disa ditë pasi miliarderi Richard Branson bëri një fluturim historik në hapësirë me anijen e tij “Virgin Galactic” për herë të parë, Ashton Kutcher zbuloi se më parë kishte një biletë për t’u bashkuar me misionin tjetër. Derisa gruaja e tij, aktorja Mila Kunis e bëri atë të rishikonte dhe njëherë rrezikun që do merrte përsipër. Ai u shpreh se:
Kur u martova dhe u bëra me fëmijë, gruaja ime më inkurajoi duke thënë që nuk ishte një vendim i zgjuar për familjen të shkojmë në hapësirë kur kemi fëmijë të vegjël, kështu që unë përfundova duke e shitur biletën time të “Virgin Galactic”. Unë duhej të isha në fluturimin tjetër, por nuk do të jem.
Actor and investor @aplusk says he was supposed to be on the next Virgin Galactic flight, but sold his ticket to space. 🚀 Don't miss the full interview on Cheddar at 3:20 p.m. ET. https://t.co/fi07qhm3FE pic.twitter.com/HVMei8mnrZ
— Cheddar (@cheddar) July 14, 2021
Sidoqoftë, Kutcher mbetet optimist, duke thënë se në një moment apo në një tjetër, është e sigurtë që ai do të shkoj në hapësirë. Anija “Virgin Galactic” do të plotësojë edhe dy teste fluturimi para se ata që dëshirojnë të jenë pjesë e udhëtimit, të mund të paguajnë një minimum prej $250,000 për një vend për në hapësirë. Fluturimet komerciale do të jenë të disponueshme në vitin 2022.
Ndërkohë rikujtojmë se një 18-vjeçar do të bëhet personi më i ri në botë që do të fluturojë në hapësirë. Oliver Daemen do t’i bashkohet miliarderit amerikan, Jeff Bezos, në fluturimin e parë të njerëzve të realizuar nga kompania e tij e hapësirës, ‘Blue Origin’ me 20 Korrik.
Ndërkaq sa i përket miliarderit Jeff Bezos, para pak kohëve u krijua një peticion online për mos-kthimin e tij në planetin Tokë pas fluturimit në hapësirë.