Aktorja dhe këngëtarja Jane Birkin ka vdekur në moshën 76-vjeçare, sipas Ministrisë së Kulturës të Francës dhe mediave franceze. Ylli me origjinë britanike ishte e famshme për marrëdhënien e saj muzikore dhe romantike me këngëtarin francez Serge Gainsbourg. Këngët e tyre përfshinin veçanërisht këngën “Je t’aime moi non plus”.
Ministria franceze e Kulturës shkroi në Twitter se Birkin ndërroi jetë të dielën. Ajo e cilësoi atë një “ikonë frankofone të përjetshme”.
Mediat franceze Liberation dhe BFM TV raportuan se Birkin u gjet e vdekur në shtëpinë e saj në Paris. Gazeta franceze Le Figaro raportoi se Birkin kishte vuajtur nga probleme shëndetësore në vitet e fundit që e penguan atë të performonte dhe daljet e saj publike u bënë të rralla.
5
BFM TV tha se Birkin pësoi një goditje të lehtë në tru në 2021, duke e detyruar atë të anulonte shfaqjet atë vit. Ajo anuloi shfaqjet e saj përsëri në mars për shkak se kishte thyer shpatullën.
