Partnerja e Cristiano Ronaldo-s, Georgina Rodriguez ka reagur pasi kapiteni i Portugalisë u la në stol për ndeshjen në Kupën e Botës kundër Zvicrës. Ronaldo ishte përfshirë në një sherr me trajnerin e tij, Fernando Santos, gjatë ndeshjes së fundit të Portugalisë në fazën e grupeve kundër Koresë së Jugut, pasi reagoi me zemërim për t’u zëvendësuar. Pas asaj ndeshje, Santos tha:
Nëse i shoh imazhet nuk më pëlqeu, aspak. Nuk më pëlqeu me të vërtetë. Por nga ai moment e tutje, gjithçka ka përfunduar, kaq për këtë çështje. Tani duhet të mendojmë për ndeshjen e radhës dhe të gjithë janë të fokusuar aty.
Si rezultat i reagimit të tij, Ronaldo e gjeti veten në stol për ndeshjen vendimtare të Portugalisë kundër Zvicrës. Edhe pse shumë kishin frikë se vendimi i Santos mund të dështonte, Portugalia pati një fitore të madhe.
Pas ndeshjes, partnerja Ronaldo-s, Georgina, u shfaq në rrjetet sociale për të treguar mbështetje për partnerin e saj, duke pretenduar se ishte turp që njerëzit nuk mund të kënaqeshin duke e parë 37-vjeçarin për të gjithë 90 minutat. Ajo ka shkruar në Instagram:
Urime Portugalia. Ndërsa 11 lojtarët këndonin himnin, të gjithë sytë ishin tek ti. Sa turp të mos kënaqesha me lojtarin më të mirë në botë gjatë gjithë 90 minutave. Tifozët nuk pushuan së kërkuari ty dhe duke brohoritur emrin tënd.
Partnerja e Cristiano Ronaldos, Georgina Rodriguez duket qartë se nuk i ka aspak mirë marrëdhëniet me motrën e saj Patricia. Së fundmi ajo ka folur në programin ‘Socialite’ dhe ka akuzuar motrën e saj se gënjen teksa e ka kërcënuar se do të nxjerrë informacione për të. Patricia pretendon se Georgina nuk bën gjë tjetër veçse tallet me gjendjen e saj ekonomike.
