Së fundmi, Hillary Clinton ka folur me respekt për yllin televiziv Kim Kardashian, e cila ka punuar gjatë kësaj kohe për t’u bërë avokate në mënyrë që të luftojë për reformën në burg. Edhe pse Kim, dështoi tre herë për të marrë provimin, Clinton e admiron që ajo nuk u dorëzua kurrë dhe vazhdoi të punojë derisa më në fund e mori provimin në dhjetor 2021. Ndërkaq, Clinton e cila ndër të tjera është edhe avokate tha:
Unë e admiroj vendosmërinë e saj për të marrë diplomën në drejtësi, në mënyrë që ajo të mund të bëjë më shumë për të ndihmuar njerëzit që trajtohen padrejtësisht në sistemin e drejtësisë penale. Ajo mund të ketë dështuar disa herë më parë, por nuk hoqi dorë, vazhdoi të ecë dhe e kishte marrë provimin shumë më vonë se unë. Ajo i dinte përgjigjet për disa nga ato pyetje dhe unë nuk i dija më.
![](https://www.topalbaniaradio.com/v7/wp-content/uploads/2022/09/8ace248c-d6e8-4fdc-85b4-3188d262d020-kim-kardshian-hillary-clinton.jpg)
Ndërkaq, Kim Kardashian ishte e ftuar speciale në emisionin e James Corden dhe mes disa temave për të cilat folën, moderatori anglez dhe biznesmenia e famshme diskutuan edhe për karrierën që supozohet se po studion Kardashian. Kim përmendi disa detaje, se në moshën 40-vjeçare, ajo është duke ndjekur studimet për një diplomë në fushën e Drejtësisë. Sipas Kim para se të mbërrinte në forum, ajo po bënte një ese si pjesë e detyrave të shtëpisë së saj pasi tashmë është në gjysmë të diplomës.
![](https://www.topalbaniaradio.com/v7/wp-content/uploads/2022/09/5aba50f02e8ce0722e677ff8_kim-kardashian-entire-blog-post-on-photoshop-edit.jpg)
Kim Kardashian bëri shaka gjithashtu duke thënë se duhet të takojë një mjek apo avokat teksa foli për planet e saj të ardhshme. 41-vjeçarja, u nda nga komediani Pete Davidson, muajin e kaluar pas 9 muajsh së bashku. Kim ndërkaq u shpreh se është e lumtur beqare dhe nuk po kërkon për një dashuri të re. Bukuroshja pranoi se zgjedhjet e saj romantike me sa duket nuk funksionojnë dhe ajo do të donte të hiqte dorë nga skena e takimeve me të famshëm të profilit të lartë.