Aktorja e njohur Hilary Duff ka komentuar së fundmi situatën Rusi-Ukrainë duke dhënë kritika të ashpra për presidentin rus, Vladimir Putin.Në një postim të shpërndarë së fundmi në llogarinë e saj në Instagram, ajo shkroi:
Lakmia. Putin i ndyrë. Shpresoj që ekzistenca e tij të jetë kaq e vetmuar, e torturuar dhe e zbrazët. Paratë nuk i bëjnë njerëzit të lumtur. Mund ta bëjë jetën tuaj më të lehtë, por shpresa ime e vetme është me ndihmën e Zotit jeta e tij të jetë e mjerueshme. Të shikosh lajmet është torturuese. Nuk mund ta imagjinoj ditë pas dite të këtij realiteti … Frikë. Humbje. Të humbasësh gjithçka që do dhe për të cilën ke punuar shumë. Të ndahesh nga familja ose t’i shikosh ata duke vdekur. Asnjë siguri. Nuk ka ushqim. Këta njerëz ukrainas kanë njëfarë krenarie dhe force që nuk mendoj se mund të mbledh. Tani po dëgjoj se trafikimi i qenieve njerëzore është një problematikë për gratë dhe fëmijët që ikin nga vendi. Unë thjesht po qaj duke menduar për këtë. Ikja nga një ferr në tjetrin. Pse dhe si mund të jetë bota në këtë mënyrë? Si mund t’i bëjnë njerëzit këto gjëra njëri-tjetrit? Ndihesh i pafuqishëm, i mërzitur dhe i zemëruar dhe me të vërtetë doja vetëm të ndaja me ju. Jam shumë e trishtuar edhe për popullin rus. Mos imagjinoni se ata duan të përfshihen në këtë.
Të famshëm në mbarë botën po bëjnë çmos për të ndihmuar Ukrainën në mes të pushtimit të Rusisë dhe sulmeve nga kombi i udhëhequr nga Vladimir Putin, të cilat kanë vazhduar për 23 ditë. Shumë prej tyre e kanë dënuar luftën, kanë shprehur solidaritetin e tyre me Ukrainën dhe disa kanë vazhduar t’u ofrojnë ndihmë ukrainasve në mes të kohërave sfiduese.
Të fundit që e bënë këtë ishin Steven Spielberg dhe Kate Capshaw. Çifti ka dhuruar 1 milion dollarë për përpjekjet e ndihmës në Ukrainë në mes të luftës. Çifti i bashkohet listës së njerëzve që kanë ofruar ndihmë për përpjekjet e ndihmës në Ukrainë ditët e fundit.
