Melinda Ademi është padyshim një nga reperet më të komentuara dhe të pëlqyera të momentit. Këngët e saj sa provokuese aq edhe ‘të egra’ kanë arritur ta bëjnë Melindën një sensacion. E kaq shumë e pëlqyer nga ndjekësit padyshim që dhe vëmendja e dashuria e tyre ndaj saj është e madhe.
Por, aq më shumë jo vetëm Melinda por të gjithë artistët pëlqehen kur bëhen së bashku pasi bashkojnë grupe të ndryshme ndjekësish. E sidomos bashkëpunime që lindin mes vajzave që kohë më parë nuk kanë pas raporte aspak të mira. Bëhet fjalë për Rinën, e cila së bashku me Melindën në vitet e kaluara i kanë dedikuar njëra-tjetrës fjalë aspak të bukura në këngë, por duket se çdo gjë ka ngelur në të shkuarën.
E jo vetëm që i kanë lënë pas, por dy bukuroshet pak ditë më parë kanë publikuar bashkëpunimin e parë mes tyre ‘Tornado’, i cili numëron afro 3 milion klikime në platformën YouTube. E duket se nga ky duet, Rina dhe Melinda kanë ruajtur një miqësi shumë të mirë dhe nuk i kursejnë postimet me njëra- tjetrën, ashtu si kanë bërë dhe pak më parë ku kanë ndarë një foto me njëra- tjetrën nga xhirimet e videoklipit dhe krahas e kanë shoqëruar me disa figura shumë ‘të ëmbla’ që na tregojnë sa mirë shkojnë artistet.
E përpos karrierës edhe jeta private e Melindës ka një kuriozitet të madh për publikun. E së fundmi, ashtu siç di vetëm ajo të provokojë, ka ndarë me ndjekësit një video ku teksa tregon veten e saj, duket një dorë djali që e përkëdhel në pjesën e dekoltesë. Mos ndoshta Melinda na e pranoi se është në një lidhje?
