Melinda Ademi është padyshim një nga reperet më të komentuara dhe të pëlqyera të momentit. Këngët e saj sa provokuese aq edhe ‘të egra’ kanë arritur ta bëjnë Melindën një sensacion. E kaq shumë e pëlqyer nga ndjekësit padyshim që dhe vëmendja e dashuria e tyre ndaj saj është e madhe.
Por, aq më shumë jo vetëm Melinda por të gjithë artistët pëlqehen kur bëhen së bashku pasi bashkojnë grupe të ndryshme ndjekësish. E sidomos bashkëpunime që lindin mes vajzave që kohë më parë nuk kanë pas raporte aspak të mira. Bëhet fjalë për Rinën, e cila së bashku me Melindën në vitet e kaluara i kanë dedikuar njëra-tjetrës fjalë aspak të bukura në këngë, por duket se çdo gjë ka ngelur në të shkuarën.
E jo vetëm që i kanë lënë pas, por dy bukuroshet kanë përfunduar dhe xhirimet për një projekt të përbashkët muzikor e vetëm disa orë më parë na kanë zbuluar një pjesë nga ‘look-u’ në videoklipin e këngën dhe mund të themi me plot gojë se duken si ‘dy pika uji’.
“A jeni motra?”
Projekti më i fundit muzikor nga ana e Rinës është ‘Fullerante’ që ka arritur mbi 2 milion klikime në platformën YouTube e nga ana tjetër, Melinda ka ardhur këtë sezon veror me plot dy duete të tjera shumë të suksesshme krah Skerdit dhe reperit Bardhi.
