Ajo është një nga këngëtaret më të suksesshme e cila po korr një sukses të jashtëzakonshëm me projektet e saj muzikore. E kemi fjalën për Bebe Rexhën e cila me këngën e saj “I’m Good (Blue)” në bashkëpunim me David Guettan ka thyer rekorde. Kjo është kënga e katërt në Top 100 të ‘Billboard’ në Shtetet e Bashkuara të Amerikës.
Por jo vetëm kaq, 33-vjeçarja ka arritur të thyejë një tjetër rekord në karrierën e saj, duke arritur për herë të parë mbi 50 milionë dëgjues brenda një muaji në platformën Spotify. “Bebe Rexha arrin 50 milionë dëgjues mujorë në Spotify për herë të parë në karrierën e saj”, ka njoftuar faqja e fansave të këngëtares.
WE DID IT, REXHARS!🖤
.@BebeRexha hits 50 MILLION monthly listeners on Spotify for the first time in her career!
Congrats on this outstanding achievement! pic.twitter.com/z45Bgv6KuY
— Bebe Rexha Stan (@rxhstan) January 7, 2023
Me këtë shifër ajo arrin të hyjë në listën e shumë pak artisteve femra në histori që e arrijnë këtë sukses. Aktualisht ajo është artistja e 31-të më e dëgjuar në botë, në platformën e muzikës Spotify. Ndërkaq, artistja ka qenë shpesh e diskriminuar nga çmimet e muzikës, edhe pse tri këngë të saj kanë mbi një miliard dëgjime.
Si rrjedhojë, ajo ka folur në një intervistë të fundit për EliteDaily për një video që kishte shpërndarë në TikTok, e cila shfaqte një vajzë që tregonte se Rexha është një nga emrat më të suksesshëm të muzikës, por që nuk njihet sa duhet. Ndërkaq, tri këngët e bukuroshes që kanë mbi një miliard dëgjime në Spotify janë “Meant to be”, “In the name of love” dhe “Me, myself and I”.
