Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Pasò Sport

Në një analizë të detajuar Jetmir Halilaj zbulon çfarë i mungon ekipit tonë kombëtar!

I ftuar ditën e sotme në “Paso” në një lidhje telefonike ishte Jetmir Halilaj, i cili bëri komente të shumta për javën sportive që lamë pas, qoftë me ndeshjen e kombëtares sonë, qoftë me ndeshjet e tjera. Në një analizë të detajuar, Halilaj gjithashtu nxorri në pah disa nga problematikat kryesore që sipas tij ka kombëtarja jonë. Për sa i përket Shqipërisë, e cila u rendit e treta në grup, Halilaj la të kuptohet se faji ishte pjesërisht i vetë skuadrës për shkak se nuk e shfrytëzoi siç duhej situatën.

Ne nuk e shfrytëzuam siç duhej… Ne kemi një diferencë mes futbollit vendas dhe lojtarëve që na përfaqësojnë në ekipin kombëtar, por as këtë nuk e shfrytëzojmë siç duhet…

Duke kujtuar Kampionatin e vitit 2016, Jetmiri shfrytëzoi rastin të paralelizonte dy periudhat, duke theksuar një ndryshim të thellë në atmosferën e këtij viti.

Nuk ka frymë Shqipëria, mbetet një vend i vogël. Ka nevojë për një frymë, një atmosferë tjetër. Në vitin 2016 u bënë shumë faktorë të përbashkët, këtë herë jo…

Megjithatë, duket se sipas tij problem nuk qëndron vetëm në atmosferën e krijuar, apo për shkak se nuk u shfytëzua siç duhej, por duket se situata çalon edhe diku tjetër.

Edhe brenda ekipit nuk më duken gjërat në rregull… Pjesa e menaxhimit të grupit nuk më duket se janë të gjithë bashkë për një qëllim të caktuar…