Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota Travel

Nëse doni të udhëtoni tani që virusi Delta është prezente, duhet të keni parasysh këto gjëra!

Ndërsa po mbaron vera, varianti Delta shumë i transmetueshëm i SARS-CoV-2, i cili tani është dominues në botë, po shtron pyetje për gjithçka, nga koha kur do të jetë e sigurt të kthehesh në punë e deri tek mënyra se si t’i mbash fëmijët të sigurt në shkolla.

Për shumë njerëz, planet e udhëtimit veror janë gjithashtu primare. Qendrat për Kontrollin dhe Parandalimin e Sëmundjeve në SHBA ndryshuan udhëzimet e tyre për njerëzit plotësisht të vaksinuar, duke këshilluar që ata të mbajnë maska brenda në vende ku ka shkallë të lartë ose të konsiderueshme të transmetimit.

“Ne po merremi me një virus tjetër tani”,-tha Dr Anthony Fauci, këshilltari kryesor mjekësor i Shtëpisë së Bardhë, në lidhje me variantin Delta. Pra, a është e sigurt të udhëtosh? “Përgjigja varet plotësisht nga rrethanat tuaja individuale, duke përfshirë profilin tuaj të rrezikut dhe tolerancën”-thotë Dr Ashley Lipps, asistente profesoresh në ndarjen e sëmundjeve infektive në Qendrën Mjekësore Wexner të Universitetit Shtetëror të Ohio.

Këtu janë disa pyetje që mund të keni duke iu afruar planeve të udhëtimit veror:

Nëse jam i vaksinuar, a është në rregull të udhëtoj?

“Asnjë udhëtim nuk është plotësisht i sigurt dhe sa i sigurt është ai varet nga rrethanat individuale. Por gjëja më e mirë për të bërë nëse planifikoni të udhëtoni është të siguroheni që çdo person me ju të jetë plotësisht i vaksinuar, përfshirë të gjithë të rriturit”,- thotë Lipps. “CDC” rekomandon që të shtyni udhëtimin derisa të jeni plotësisht të vaksinuar. Të dy personat e vaksinuar dhe të pavaksinuar duhet të mbajnë maska në aeroplanë, autobusë, trena dhe forma të tjera të transportit publik, si dhe brenda qendrave të transportit siç janë aeroportet dhe stacionet.

A mund t’i sjell fëmijët e mi të vegjël?

“Udhëtimi është i ndërlikuar për familjet me fëmijë të vegjël, sepse vaksinat nuk janë ende në dispozicion për fëmijët. Ju gjithashtu mund të ndërmerrni hapa për të minimizuar ekspozimin tuaj ndaj njerëzve të tjerë, të tilla si ngasja në makinë kundrejt fluturimit në aeroplan dhe qëndrimi në aktivitetet në natyrë në destinacionin tuaj”- sugjeron Lipps.

A është e sigurt të fluturosh?

Avionët janë në thelb pak më të rrezikshëm, sepse jeni brenda dhe larg shumë njerëzve të tjerë, statusin e vaksinimit të të cilëve mund të mos e dini, por sigurohuni që të jeni plotësisht të vaksinuar para se të hipni në aeroplan.

Për shkak se Delta është më e transmetueshme se variantet e tjera, “ka një probabilitet më të lartë, veçanërisht në ato ambiente të aeroportit që janë brenda, për t’ju vënë në rrezik potencialisht të lartë për ta përhapur atë”.

Të gjithë ata që mbajnë maska, të cilat kërkohen në transportin publik sipas rregullave federale, mund të zvogëlojnë rrezikun e transmetimit. Marrja e masave paraprake të përshkruara me siguri mund të zvogëlojë mundësinë tuaj të infeksionit.