Ndoshta nuk e besoni por disa njerëz janë alergjik ndaj të ftohtit. Alergjia ndaj të ftohtit mund të shkaktojë skuqje, kruajtje, ënjtje dhe urtikarie në zonat e lëkurës së ekspozuar që bien në kontakt me ajrin e ftohtë, ujin ose sipërfaqet e ftohta. Reagimi zakonisht ndodh brenda pesë deri në 10 minuta pas ekspozimit ndaj të ftohtit dhe mund të zgjasë rreth një deri në dy orë, sipas Qendrës së Informacionit Gjenetik dhe Sëmundjeve të Rralla.
Gratë kanë më shumë gjasa të zhvillojnë këtë alergji sesa burrat dhe në disa raste, alergjia ndaj të ftohtit shpesh largohet pas disa vitesh. Në raste të rënda, të tilla si kur dikush noton në ujë të ngrirë, mund të çojë në të fikët, tronditje dhe madje edhe vdekje. Alergjia ndaj të ftohtit është e rrallë, por shumica e rasteve gjenden në klimat më të ftohta. Çdokush mund të zhvillojë një alergji ndaj të ftohtit në çdo moment të jetës së tij. Nëse keni një alergji ndaj të ftohtit, mund të merrni një antihistamine për të lehtësuar simptomat tuaja.
Gjithashtu mos harroni të mbani gjithmonë epinefrinën urgjente, të cilën e injektoni në pjesën e jashtme të kofshës. Sigurohuni që të pyesni alergologun se cili ilaç do të funksiononte më mirë për ju. Mënyra më e mirë për të reduktuar simptomat e pakëndshme është të përpiqeni të shmangni temperaturat e ftohta. Megjithatë, nëse jetoni në vende shumë të ftohta, është e vështirë të shmangni plotësisht të ftohtin. Pra, nëse duhet të dilni jashtë, mos harroni të vishni një kapele, doreza, shall, çizme dhe rroba për t’u siguruar që jeni ngrohtë.
Me ardhjen e dimrit shpesh njerëzit kanë probleme pasi duart e tyre qëndrojnë të ftohta. Në disa raste, kjo nënkupton se trupi po përpiqet të mbajë një temperaturë normale, ndërsa në raste të tjera, duart e ftohta janë një shenjë e një gjendjeje ose sëmundjeje të caktuar. Mund të bëhet fjalë për probleme të qarkullimit të gjakut.
Kur kjo gjendje është e shpeshtë dhe nuk mund të ngroheni atëherë bëhet fjalë për një sëmundje që kufizon rrjedhjen e gjakut në duar. Ndërkaq mund të keni vënë re se gratë ankohen më shpesh për duart e ftohta se sa burrat. Ekspertët janë interesuar a ekziston ndonjë shpjegim shkencor për këtë dhe për këtë kanë bërë një hulumtim, qëllimi i të cilit ishte të zbulojë se përse duart e grave janë më të ftohta se duart e burrave.
