Kur mendoni për albumin “Special” të këngëtares së njohur Lizzo, një nga këngët e para që ju vjen në mendje është ndoshta “About Damn Time”. Ishte kënga e parë që ajo publikoi nga albumi dhe është luajtur dhe dëgjuar për shumë kohë që atëherë. Kënga u bë e dyta këngë e Lizzo-s që është në vendin e parë në tabelën e “Billboard Hot 100” pas mega-hit të saj të vitit 2019, “Truth Hurts”.
Por në fillim, Lizzo pranon se nuk ishte e sigurt për këtë këngë që u kthye në super hit. Gjatë një paraqitjeje në “Hot Ones”, shfaqje nga First We Feast ku të famshëm u përgjigjen pyetjeve pikante ndërsa hanë krahë pule gjithnjë e më të nxehta, ajo u shpreh se:
“About Damn Time” ishte kënga e fundit që shkrova për albumin. Po i kthehesha edhe njëherë në mars këngës “About Damn Time” që prej muajit shkurt. Nuk e di por mendoja që diçka nuk shkonte, vargjet nuk u bënë të plota, nuk ishte ende atje ku duhej.
Por kur mbaroi, Lizzo e dinte se ishte e duhura.
Kur e mbarova, thoja me vete “oh dreq”. Kjo këngë duhet të dalë tani.
Lizzo shtoi se në përgjithësi, ajo është “e keqe” me zgjedhjen e këngëve kryesore, sepse ajo mendon se “çdo gjë që ajo bën është e pabesueshme dhe ka nevojë sërish për diçka”, por është e qartë se ajo deri më sot ka bërë zgjedhjet e duhura dhe sigurisht që duhet ta përmendim suksesin e saj të padiskutueshëm. Vlen të theksohet se hiti “About Damn Time” ka qenë një trend edhe në rrjetin social TikTok.
