Aktorja e njohur Sydney Sweeney ka befasuar së fundmi fansat kur dha një sugjerim për sezonin e tretë të shfaqjes “Euphoria”. 26 vjeçarja, tha për episodet e reja në një intervistë me “Who, What, Wear” se:
Do të jetë shumë, shumë i egër.
Aktorja, e cila luan si Cassie Howard në serialin fitues të “Emmy”, tha se nuk ishte e shqetësuar për sasinë e kohës që kishte kaluar që nga përfundimi i sezonit të dytë në shkurt 2022.
Ajo vijoi duke thënë:
Në fakt më pëlqen sepse ka shumë hapësirë për rritje si për mua si person ashtu edhe për Cassie si personazh.
Publikimi shtoi se Sweeney i informoi ata se xhirimet në sezonin e tretë do të nisin shumë shpejt. Gjatë bisedës së fundit të Sydney Sweeney me Josh Horowitz në qytetin e New York, aktorja e “Anyone But You” diskutoi për shfaqjen popullore. Prodhimi pritet të nisë shumë shpejt, megjithëse detajet e komplotit po mbahen të fshehta. Sweeney tha me shaka se:
Sinqerisht, është po aq e frikshme sa të flasësh për Marvel-in.
Horowitz i tha asaj se fansat janë shumë të emocionuar për sezonin e ri, gjë që bëri që Sweeney të thoshte:
Edhe unë jam e emocionuar.
Ndërkaq, nga filmat e rinj të Hollivudit deri te filmat artistikë më të nominuar të sezonit të çmimeve, këta janë filmat që duhet me patjetër të shikoni. Zbulojini duke klikuar në këtë link.
