Health & Beauty Lifestyle

Ushtrimet fizike që ju ndihmojnë në uljen e presionit të gjakut!

Presioni i lartë i gjakut prek më shumë se një të katërtën e të gjithë të rriturve në një moment të jetës së tyre. Gjendja, e cila njihet edhe si hipertension, mund të shkaktohet nga një dietë jo e shëndetshme ose nga mungesa e stërvitjes. Presioni i lartë i gjakut ushtron stres shtesë në organet tuaja vitale, të cilat përfundimisht mund të çojnë në disa komplikime vdekjeprurëse duke përfshirë një atak në zemër ose goditje në tru. Por ju mund të zvogëloni rrezikun e hipertensionit duke u ushtruar rregullisht.

Çiklizmi, noti, tenisi dhe vrapi mund të ndihmojnë në uljen e presionit të gjakut, sipas shoqatës bamirëse Blood Pressure UK. Këto janë të gjitha llojet e aktivitetit aerobik, të cilat përdorin të gjitha grupet kryesore të muskujve në trup dhe fokusohen në zemrën dhe enët e gjakut.  Llojet e ndryshme të ushtrimeve dhe aktiviteteve kanë efekte të ndryshme në trupin tuaj.

Nëse keni presion të lartë të gjakut, përpiquni të përqendroheni në aktivitete që do të ndihmojnë zemrën dhe enët e gjakut. Aktiviteti aerobik është lloji që ndihmon më shumë zemrën tuaj. Aktivitetet aerobike janë lëvizje të përsëritura dhe ritmike dhe përdorin grupet e mëdha të muskujve të trupit tuaj, si ato në këmbë, shpatulla dhe krahë. Format e tjera të aktivitetit janë më pak të dobishme.

Për shembull, nuk duhet të bëni asnjë ushtrim që është shumë intensiv për një periudhë të shkurtër kohore, si sprinti ose ngritja e peshave.  Ndërkaq, gjumi i parehatshëm dhe vështirësitë për të fjetur rrisin rrezikun e sëmundjeve kardiovaskulare. Kjo lidhet me presionin e gjakut, i cili ulet kur flini gjumë të thellë. Përndryshe, nëse e keni të vështirë të flini gjumë, presioni i gjakut me siguri do të rritet.