Dhjetëra gra britanike kanë raportuar se kanë vënë re një rritje të papritur të gjoksit pas marrjes së vaksinës kundër Covid-19. Këto raporte vijnë pas një ngjarje tronditëse ku një vajzë kanadeze 19-vjeçare kishte përjetuar një rritje të jashtëzakonshme të gjoksit pas marrjes së vaksinës Pfizer.
Sipas një raporti nga “Daily Mail”, Agjencia Rregullatore e Barnave në Mbretërinë e Bashkuar ka regjistruar 33 raste të ngjashme, ku gra që morën vaksinën Pfizer përjetuan “zmadhim të gjirit”.
Një numër më i vogël, 11 gra, raportuan të njëjtin efekt pas vaksinuar me AstraZeneca, ndërsa vetëm 4 gra shfaqën këtë reaksion pas vaksinës Moderna. Këto raportime janë mbledhur nga Agjencia Rregullatore, por ende nuk janë verifikuar nga profesionistët mjekësorë dhe bazohen në dëshmitë e pacientëve.
Megjithatë, disa ekspertë mjekësorë sugjerojnë se kjo mund të jetë një ngjarje e rastësishme dhe nuk është e mundur që të lidhet drejtpërdrejt me vaksinat. Ata shprehen se nuk ka prova të mjaftueshme që të vërtetojnë një lidhje të tillë.
Por ka mjekë që argumentojnë se mund të ekzistojë një lidhje mes vaksinës dhe rritjes së gjoksit. Ata propozojnë se mund të ketë një reagim të çuditshëm të sistemit imunitar ndaj vaksinës që ka shkaktuar rritjen e qelizave të gjinjve.
Një studim nga mjekët e Universitetit të Torontos ka analizuar një rast të veçantë të një vajze 19-vjeçare, e cila përjetoi një rritje të madhe të gjoksit nga një madhësi “B” në një “G” brenda gjashtë muajsh pas marrjes së dy dozave të vaksinës Pfizer.
Ajo ka përjetuar një ndjesi shpimi gjilpërash në gjoksin e saj pas dozës së parë dhe, pas dozës së dytë, ndryshimet janë bërë më të shpejta. Pavarësisht trajtimit me steroide dhe antibiotikë, rritja e gjoksit nuk ka pësuar një zvogëlim të dukshëm, dhe ajo ka qenë e detyruar të kryejë një operacion për të zvogëluar gjoksin.
Një fenomen i tillë, i njohur si gigantomastia, është i rrallë dhe ende nuk ka një shpjegim të plotë për shkaktarin e tij. Disa raste të gigantomastisë janë të lidhura me çrregullime hormonale ose reagime ndaj ilaçeve të caktuara.
Mjekët që kanë raportuar këtë rast në revistën “Plastic and Reconstructive Surgery—Global Open” kanë sugjeruar mundësinë që vaksina Covid-19 të ketë shkaktuar këtë gjendje të pazakontë.
Ndërkohë, studimet e mëparshme kanë zbuluar se vaksinat Covid mund të shkaktojnë ënjtje të nyjeve limfatike në sqetulla, një efekt i cili mund të çojë në rezultate të pasakta në mamografi dhe ultratinguj të gjirit. Kjo mund të jetë një tjetër shenjë se vaksina ka një ndikim të papritur në trupin e disa individëve.
