Prodhuesi gjerman i makinave po prezanton një model të ri për 50 vjetorin e Polos. Automjeti ka një paketë të pasur pajisjesh standarde që nxjerr në pah detaje të vogla specifike të dizajnit. Në tregun gjerman, çmimi fillestar i tij është 28,200 euro. Paketa përfshin rrota Coventry, xhama të errët të pasëm, pedale kromi, ulëse me ngrohje, timon të veshur me lëkurë dhe sistemin multimedial Discover Media.
Ekzistojnë gjithashtu sisteme asistence për ndërrimin e korsisë Side Assist, Park Assist me kontroll të distancës së parkimit, Rear Traffic Alert si dhe paketa Park&Comfort. Volkswagen Polo Edition 50 i ri është i disponueshëm me një motor benzine TSI me 95 kuaj fuqi dhe transmision manual. I njëjti motor mund të porositet me një transmision automatik DSG me shtatë shpejtësi.
Prodhuesit gjermanë të makinave si Mercedes-Benz dhe BMW thuhet se po përpiqen të negociojnë tarifat drejtpërdrejt me Sekretarin e Tregtisë së SHBA-së, Howard Lutnick. Shefi ekzekutiv i Volkswagen (CEO) Oliver Blume ka zbuluar në një intervistë me gazetën gjermane Suddeutsche Zeitung se kompania është në proces të negociatave me qeverinë amerikane mbi lehtësimin e mundshëm të tarifave dhe investimet e vazhdueshme amerikane.
Ndonëse kontakti kryesor për këto bisedime është Sekretari amerikan i Tregtisë, Howard Lutnick, Blume tha se këto çështje kanë arritur edhe te presidenti amerikan, Donald Trump. Ndër tjera, Blume theksoi se Volkswagen ishte i prirur të vazhdonte të investonte në SHBA, nëse mund të arrihet një marrëveshje e përshtatshme për tarifat.
