Shumë përpara largimit nga Familja Mbretërore, Meghan Markle thuhet se kishte nisur të krijonte tensione në rrethin e saj të afërt, përfshirë edhe me ish-këshilltaren e saj të biznesit, Gina Nelthorpe-Cowne.
Sipas biografisë “Revenge” të autorit Tom Bower, gjatë një vizite në Skoci në vitin 2018, Meghan u kritikua për sjellje “jo mbretërore” pasi përqafoi publikun, dha autografe dhe pozoi për selfie, duke shkelur protokollet e pallatit.
Por sipas Nelthorpe-Cowne, tensionet mes tyre u thelluan gjatë një vizite në një qendër për të pastrehët, ku ajo u urdhërua të largohej nga grupi i Meghan dhe t’i bashkohej atij të Princit Harry.
Ajo pretendon se ky vendim erdhi direkt nga vetë Meghan dhe se një zyrtar i pallatit i ndaloi më pas kontaktin me të.
Në një shkrim për “The Mail on Sunday”, Gina rrëfen se e kishte paralajmëruar Meghanin për sfidat që do të sillte martesa me një princ britanik, por përgjigjja e saj ishte e prerë:
Nuk dua ta dëgjoj
Meghan është kritikuar gjithashtu për prirjen për të shkëputur marrëdhëniet me njerëz të afërt nga e kaluara, përfshirë familjen, ish-bashkëshortin dhe miq të vjetër.
Ajo është akuzuar gjithashtu për sjellje problematike ndaj stafit mbretëror, përfshirë dërgimin e email-eve në orët e para të mëngjesit dhe krijimin e një ambienti të tensionuar pune, sipas librit “Battle of Brothers” nga Robert Lacey.
Këto akuza thuhet se çuan në një përplasje të ashpër mes Princit William dhe çiftit, për shkak të shqetësimeve për mirëqenien e stafit të pallatit.
