Një arsenal armësh u gjet në Nikël të Fushë-Krujës, ndërsa është identifikuar një nga personat që e posedon. Ky zbulim vjen tre ditë pas atentatit në Rinas ku mbeti i vrarë Gilmando Dani dhe u plagos Muçi Shaljani (Sheqeri).
Sipas informacioneve paraprake, bëhet e ditur se policia ka identifikuar personin që posedon arsenalin e armëve ndërsa dyshohet edhe për një person tjetër që bashkëpunon me poseduesin e armëve.
Ndërkaq, uniformat blu kanë shpallur në kërkim personin e identifikuar dhe po punojnë për identifikimin e të gjithë personave të përfshirë.
Aksioni i policisë në Nikël zhvillohet teksa po kërkohen edhe autorët e atenatit të Rinasit.
