Antioksidantët janë kthyer në fjalën magjike të botës së shëndetit, dhe jo pa arsye. Studiot tregojnë se këto substanca mbrojnë qelizat nga radikalet e lira, molekula të dëmshme që vijnë nga ndotja, pesticidet, plastika, rrezatimi dhe madje edhe proceset normale të trupit.
Kur radikalet e lira “shpëtojnë nga kontrolli”, lidhen me sëmundje serioze si kanceri, sëmundjet kardiovaskulare, artriti, problemet me shikimin, madje edhe Alzheimer dhe Parkinson.
Trupi ynë prodhon vetë një pjesë të antioksidantëve, por për shkak të toksinave të shumta në ambient, kjo nuk mjafton.
Këtu hyn në lojë dieta: zgjedhja e ushqimeve të pasura me antioksidantë është një nga mënyrat më të thjeshta për të mbrojtur shëndetin dhe për të ngadalësuar plakjen qelizore.
Sipas Departamentit të Bujqësisë së SHBA-së (USDA), këto janë ndër ushqimet me përmbajtjen më të lartë antioksidantësh:
Fasulet e vogla të kuqe të thata (meksikane)
Për gjysmë kupe: rreth 13,727 njësi antioksidantësh.
Këto fasulet konsiderohen “super ushqim”: ndihmojnë në uljen e kolesterolit, kanë pak kalori dhe japin ndjesi të fortë ngopjeje, duke qenë ideal për ata që duan të hanë më shëndetshëm ose nuk konsumojnë mish. Janë gjithashtu burim i mirë proteinash me bazë bimore.
Boronicat e egra
Për gjysmë kupe: rreth 13,427 njësi antioksidantësh.
Ngjyra e tyre blu e thellë vjen nga pigmenti anthocyanin, një antioksidant shumë i fuqishëm. Boronicat e egra, falë flavonoideve dhe anthocyaninës, luftojnë radikalet e lira, mbrojnë qelizat dhe ulin inflamacionin në trup.
Fasulet e kuqe të thata
Për gjysmë kupe: rreth 13,259 njësi antioksidantësh.
Të pasura me fibra dhe folate (vitamina B9), këto fasulet mbështesin shëndetin e zemrës dhe qarkullimin. Fibrat ndihmojnë në pastrimin e traktit tretës dhe në uljen e kolesterolit, ndërsa fasulet e kuqe përmirësojnë ndjeshmërinë ndaj insulinës dhe ulin rrezikun e disa sëmundjeve kronike që vijnë me moshën.
Fasulet me lara
Për gjysmë kupe: rreth 11,86 njësi antioksidantësh.
Ashtu si llojet e tjera të fasuleve, edhe këto janë aleat i fortë i tretjes dhe zemrës. Përmbajnë molybdenum, një mineral që ndihmon në parandalimin e formimit të nitrosaminave, komponime që lidhen me rrezikun e kancerit. Janë gjithashtu burim i mirë proteinash, folatesh dhe vitaminave B1 dhe B6.
