Ditën e djeshme fansat u tronditën nga lajmi se Michelle Trachtenberg ndërroi jetë në moshën 39-vjeçare. Por burimet thonë se ky nuk është fundi i historisë. Ata i thanë U.S. Sun, se ylli i Gossip Girl ishte duke luftuar me një betejë sekrete shëndetësore. Ajo thuhet se iu nënshtrua një transplanti të mëlçisë kohët e fundit, ndërsa një raport në ABC News tha se ajo mund të ketë përjetuar komplikime.
Zyrtarët e policisë, megjithatë, përjashtuan vrasjen, duke sugjeruar se aktorja kishte vdekur për shkaqe natyrore. Por vdekja e saj e papritur erdhi pas postimeve shqetësuese që ajo kishte postuar muajt e fundit në rrjetet sociale. Nëna e saj e gjeti aktoren të vdekur në apartamentin e saj pranë Columbus Circle në Manhattan.
Trachtenberg e nisi karrierën si yll fëmijë, duke luajtur në “The Adventures of Pete & Pete” dhe filmin “Harriet the Spy”. Ajo më vonë fitoi famë si Dawn Summers në “Buffy the Vampire Slayer” dhe u bë një personazh i dashur si Georgina Sparks në “Gossip Girl”. Ajo u nominua për një çmim Daytime Emmy për rolin e saj si prezantuese në “Truth or Scare” dhe vazhdoi të luante në role të ndryshme, përfshirë “Ice Princess” dhe “EuroTrip”. Kohët e fundit, ajo ishte prezantuese e serisë true-crime “Meet, Marry, Murder”.
