Presidenti i Republikës Bajram Begaj, menjëherë pas marrjes së informacionit për lajmin në Top Channel për arrestimin e nënës 34-vjeçare në Rinas, është interesuar pranë organeve ligjzbatuese që çështja të zgjidhet dhe nëna e tre fëmijëve të mitur të lihet e lirë.
Burime për Top Channel bëjnë me dije se Presidenti ka kërkuar informacione nëse e reja përfiton nga amnistia e nëse jo, ka kërkuar propozim zyrtar nga ministria e Drejtësisë për amnisti personale për të, pasi është nënë e tre fëmijëve të mitur, njëri prej të cilëve i sëmurë.
LEXO EDHE: Amnistia penale/ Nis zbatimi në institucionet e vuajtjes së dënimit, lirohen 541 të burgosur
34-vjeçarja u arrestua me të mbërritur në Rinas dhe u dërgua na burg bashkë me foshnjën 7 muajsh pasi ishte denoncuar nga vjehrri i saj për dhunë në familje.
Këto janë pamjet nga dhoma e burgut ku po mbahet 34-vjeçarja bashkë me foshnjën e saj 7 muajsh.
