Bill Gates, i cili vendosi të braktisë Harvard-in pas vetëm tre semestrash në vitin 1975 për të nisur Microsoft, la një ndikim të madh gjatë kohës së tij në universitet.
Pavarësisht se nuk qëndroi gjatë, prania e tij ishte e mjaftueshme për të ndikuar në mësimdhënien e profesorëve dhe bashkëstudentëve.
Profesori i matematikës së aplikuar, Harry Lewis, që ka mësuar në Harvard që nga vitet 1970, e kujton Gates si një student veçanërisht kurioz dhe të angazhuar, që gjithmonë kërkonte sfida dhe do të donte më shumë nga ai që mund t’i ofronte universiteti.
Ai ishte një student që vazhdimisht kërkonte një sfidë më të madhe. Nuk ishte befasuese që ai u largua, por do të kisha investuar në të
Pas largimit nga Harvard, Gates themeloi Microsoft, një kompani që e shpalli publikisht në vitin 1986. Ky hap e bëri atë një miliarder në moshën 31 vjeçare.
Sot, Microsoft ka një kapitalizim prej 3.2 trilionë dollarë, dhe pasuria e Gates vlerësohet në 108.7 miliardë dollarë, sipas Forbes.
Harry Lewis e përllogarit se nëse ai do të kishte investuar 100 dollarë në Microsoft në momentin kur kompania u bë publike, sot ai do të kishte pasur rreth 650,000 dollarë.
Në kohën kur ishte student në Harvard, Gates e gjeti veten të rrethuar nga kolegë shumë të aftë në matematikë, çka i dha shtysë të mëtejshme për të u angazhuar në studimet e tij.
Ai ka rrëfyer se kaloi orë të tëra në laboratorin e kompjuterëve të universitetit dhe mbingarkoi veten me kurse shtesë.
Një ngjarje që nxorri në pah talentin e tij ishte një problem matematikor që profesori Lewis e kishte paraqitur në klasë: “Problemi i petullave”, një detyrë e vështirë që përfshin renditjen e petullave me madhësi të ndryshme.
Dy ditë pas mësimit, Gates e solli një zgjidhje më të avancuar, që më vonë u botua në një punim akademik në vitin 1979. Edhe pse disa studiues e përmirësuan këtë zgjidhje më vonë, në vitin 2008, Lewis vuri në dukje se ata nuk do të kishin mundur ta bënin këtë pa teknologjinë që Gates ndihmoi në krijimin e saj.
Ky është vetëm një nga shumë momentet që tregojnë për gjenialitetin e Bill Gates në fushën e matematikës dhe teknologjisë, një trashëgimi që ka lënë një ndikim të madh në botë.
