Në botën e kujdesit të lëkurës, retinoli dhe retinali janë dy emra që shpesh ngatërrohen, por dermatologët thonë se dallimi mes tyre është kyç për të arritur rezultate të dukshme.
Çfarë është retinoli?
Retinoli është një formë më e butë e vitaminës A që stimulojnë prodhimin e kolagjenit dhe përmirëson teksturën e lëkurës. Kur aplikohet, retinoli konvertohet në retinal dhe më pas në acid retinoik, që është forma aktive që qelizat përdorin.
Kjo do të thotë se efektet shfaqen gradualisht dhe zakonisht pas disa javësh përdorimi të rregullt.
Sipas dermatologes amerikane, Dr. Whitney Bowe:
Retinoli është më i përshtatshëm për fillestarët ose për ata me lëkurë të ndjeshme. Efektet janë të dukshme me kalimin e kohës, duke e bërë një zgjedhje të sigurt dhe të efektshme për përdorim afatgjatë.
Çfarë është retinali?
Retinali, ose retinaldehid, është një hap më afër acidit retinoik, gjë që e bën më të fuqishëm dhe efektiv.
Një studim i publikuar në “Journal of Cosmetic Dermatology” tregoi se retinali mund të rigjenerojë lëkurën 11 herë më shpejt se retinoli dhe ndihmon gjithashtu në trajtimin e akneve dhe njollave të plakjes.
Dermatologia britanike, Dr. Emma Craythorne, shpjegon:
Retinali është versioni i përmirësuar i retinolit, jep rezultate më të shpejta kundër rrudhave, njollave dhe strukturës së pabarabartë të lëkurës.
Cilin të zgjedhësh?
-Retinoli: ideal për fillestarët dhe për lëkurën e ndjeshme; efekt gradual dhe më i butë.
-Retinali: për ata me përvojë dhe që kërkojnë rezultate më të shpejta; gjithashtu i përshtatshëm për akne dhe njolla të dukshme.
Ekspertët këshillojnë të mos përdoren të dyja njëkohësisht për të shmangur irritimin dhe të kombinohen gjithmonë me hidratues dhe krem SPF gjatë ditës.
Si retinoli ashtu edhe retinali janë “superheronj” të lëkurës që stimulojnë kolagjenin dhe përmirësojnë strukturën e saj. Zgjedhja e duhur varet nga niveli i përvojës dhe ndjeshmëria e lëkurës. Dermatologët theksojnë:
Retinoidet nuk japin rezultate magjike brenda natës, por përdorimi i rregullt sjell përmirësime që zgjasin për vite.
