Zbuloni disa nga ngjarjet më të bujshme në rrjet të javës që lamë pas…
1. Një nga ngjarjet më të mëdha shoqërore të kësaj vere po afron, pasi Jeff Bezos dhe Lauren Sanchez po përgatiten të martohen në një ambient idilik në Venecia të Italisë. Sipas raportimeve të huaja, ceremonia pritet të zhvillohet në një teatër romantik në natyrë, me vendndodhjen përfundimtare që do të mbetet sekrete. Ceremonia do të zhvillohet midis 24 dhe 26 qershorit, me çiftin që tashmë ka rezervuar hotelet më luksoze në Venecia për afërsisht 200 mysafirët e tyre.
2. Së fundmi është publikuar lista e fundit e aktorëve më të pasur për vitin 2025. Në krye të listës është aktori legjendar, Arnold Schwarzenegger. Me një pasuri të vlerësuar prej 1.49 miliardë dollarësh, Schwarzenegger kryeson listën e aktorëve më të pasur në vitin 2025. Edhe pse nuk është shfaqur në ekranin e madh që nga viti 2019, pasuria e tij ka vazhduar të rritet falë investimeve jashtëzakonisht të zgjuara, veçanërisht në sektorin e pasurive të paluajtshme dhe fondet e investimeve. Përveç kësaj, karriera e tij e gjatë në filma veçanërisht në serialin kult “Terminator” i solli atij të ardhura të mëdha dhe famë ndërkombëtare.
3. Papa Leo XIV ka zbuluar publikisht skuadrën e tij të preferuar të futbollit, duke konfirmuar se është tifoz i zjarrtë i AS Roma. Në një takim me një mbështetës të Giallorossëve, ai reagoi duke thirrur me entuziazëm:
Forza Roma!
– një frazë ikonike mes tifozëve të kryeqytetit italian.
4. Kim Kardashian ka dëshmuar së fundmi në gjyqin kundër dhjetë personave të akuzuar për grabitjen e armatosur prej 10 milionë dollarësh që ndodhi në tetor të vitit 2016 në Paris. Ylli televiziv rrëfeu në detaje momentet dramatike që përjetoi gjatë natës kur iu sulmua dhoma e hotelit luksoz ku po qëndronte për Javën e Modës. Bukuroshja u paraqit në gjykatë me bizhuteri, vlera e të cilave, sipas ekspertit Steven Stone, vlerësohet në më shumë se gjashtë milionë euro.
5. Polonia përfaqësohet në Festivalin e Këngës në Eurovision të këtij viti nga Justyna Steczkowska me këngën Gaja. Justyna arriti të shkonte në finalen e konkursit dhe performanca e saj në gjysmëfinale mblodhi 1.8 milionë klikime. Shumë fansa të Konkursit të Këngës në Eurovision u habitën kur morën vesh se sa vjeçe është artistja polake. Justyna ka lindur në vitin 1972, që do të thotë se do të mbushë 53 vjeçe pas disa muajsh.
