Në Serbi po presin me padurim ndeshjen me Shqipërinë, takim ky që vlen për kualifikueset e botërorit.
Kurioziteti duket i madh te rivalët tanë, pasi në një postim të bërë së fundmi nga portali serb “Telegraf”, këta të fundit kanë pyetur edhe ChatGPT për rezultatin e mundshëm të sfidës, që do luhet në Leskovac.
Përgjigja e kthyer ka qenë e menjëhershme, inteligjenca artificiale parashikon barazim 1-1.
“Edhe pse është e vështirë të parashikohet me saktësi rezultati, duke marrë parasysh të gjithë faktorët, është e mundur që ndeshja të përfundojë në barazim” – tha ChatGPT, në pyetjen e bërë nga gazetarë serb të Telegrafit.
Gjithçka është gati për përballjen e zjarrtë mes Serbisë dhe Shqipërisë, që luhet sonte në Leskovc.
Kombëtarja shqiptare ka zhvilluar stërvitjen e fundit nën urdhrat e Sylvinhos, i cili pritet të zbresë në fushë me formacionin më të mirë të mundshëm.
Nga ajo që raportohet, kuqezinjtë pritet të nisin me Strakoshën në portë, mbrojtjen me Hysaj, Ajeti, Gjimshiti dhe Mitaj, në mesfushë Laçi, Asllani e Shehu, ndërsa në sulm Broja, Bajrami dhe Manaj.
Bookmakers-at e shohin Serbinë si favorite për shkak të faktorit fushë, me koeficient 1.70 për fitoren e Serbisë, 3.40 për barazimin dhe 5.75 për fitoren e Shqipërisë.
Ndërkohë, hoteli ku qëndron kombëtarja shqiptare në Nish vijon të jetë i rrethuar dhe i blinduar nga forca të shumta policore dhe njësi speciale serbe, për të garantuar sigurinë maksimale të skuadrës kuqezi në prag të sfidës.
Digitalb do të sjellë emocionet e ndeshjes Serbi-Shqipëri që luhet sot në orën 20:45.
