Demi Lovato dhe partneri i saj, këngëtari Jordan “Jutes” Lutes, janë zyrtarisht të martuar! Çifti, që u njoh në janar të vitit 2022 gjatë punës për albumin Holy Fvck, kur Demi ishte në studio me Jutesin, ka kurorëzuar lidhjen e tyre këtë fundjavë në një ceremoni intime në Kaliforni.
Pas gati dy vitesh lidhje, Jordan i propozoi Demit në dhjetor të vitit 2023, me një unazë diamanti në formë dardhe, dizajnuar nga Teresa Panico e Material Good. Propozimi shënoi një hap të rëndësishëm në marrëdhënien e tyre, e cila është karakterizuar nga bashkëpunim artistik dhe përkrahje të ndërsjellë.
Ceremonia u zhvillua të dielën në orën 16:00, ku çifti shkëmbeu betimet e dashurisë. Demi mahniti të pranishmit me një fustan perle nga Vivienne Westwood, i krijuar me mëndafsh saten të trashë dhe i stiluar me një korse elegante.
“Jam prej kohësh e dashuruar me dizajnet e Vivienne Westwood,” u shpreh artistja për revistën Vogue, duke theksuar lidhjen e saj të veçantë me modën dhe stilin që reflekton personalitetin e saj.
Martesa e çiftit u komentua gjerësisht në rrjetet sociale, ku fansat uruan çiftin për një fillim të ri të mbushur me dashuri dhe harmoni.
