Kim Kardashian ka zbuluar reagimin e saj emocional pasi mori lajmin se kishte dështuar në provimin e barit, në sezonin final të këtij jave të show-t “The Kardashians”.
45-vjeçarja ka kaluar shtatë vite duke studiuar për t’u bërë avokate, duke ndjekur hapat e të ndjerit të babait të saj, avokatit Robert Kardashian, dhe duke bërë punë humanitare të njohura, përfshirë lirimin e të dënuarve dhe promovimin e reformës së burgjeve.
Në episodin e fundit, Kim shihet duke luftuar për të mos qarë kur hap rezultatin e provimit dhe kupton se nuk ka kaluar.
Ajo ishte rrethuar nga djali i saj Saint West, 10, nëna Kris Jenner dhe motra Khloe Kardashian, të cilët përpiqeshin ta ngushëllonin.
Është në rregull, e prisja
-tha Kim me zë të thyer nga emocionet, ndërsa Saint e përqafoi dhe Kris i tha:
Jo…
Ndërkohë, Khloe sugjeroi se dështimi mund të ketë ardhur nga përpjekja e Kim për të balancuar karrierën e saj televizive me studimet ligjore, duke përfshirë shfaqjen e re të Ryan Murphy-t “All’s Fair”, ku Kim luan një partner në një firmë avokatie.
Pavarësisht “setback-ut”, Kim e shikon dështimin si motivim:
Të dështosh nuk është humbje, është energji. Ishte shumë afër të kaloj provimin dhe kjo më motivon edhe më shumë. Le të shkojmë!
Ky moment e tregon Kim-in në një nga periudhat më të vështira emocionale, duke reflektuar për sfidat që ka përballuar gjatë rrugëtimit të saj për t’u bërë avokate, ndërkohë që vazhdon të balancojë jetën e shou-bizit dhe familjes.
