Në një botë ku dashuritë e showbiz-it shpesh shuhen po aq shpejt sa ndizen, çdo heshtje, çdo mungesë postimi në Instagram, kthehet në pretekst për të krijuar skenare ndarjeje.
Kësaj here në qendër të vëmendjes ishte një nga çiftet më të dashur të publikut shqiptar: Klea Huta dhe Elgit Doda.
Zërat për një ndarje të mundshme nisën të përhapen si zjarr në bar të thatë. Disa media spekuluan për një krizë, duke aluduar se çifti kishte vendosur t’i jepte fund marrëdhënies. Por Klea, me qetësi dhe klas, vendosi të flasë jo për të bërë lajm, por për të mbrojtur të vërtetën.
“Meqenëse po më pyesni, po ju them që nuk ka asgjë të vërtetë në ato lajme. Jemi më të lumtur se kurrë,” tha ajo.
Një përgjigje e shkurtër, por mjaftueshëm e fortë për të mbyllur një kapitull të krijuar nga imagjinata kolektive.
Klea dhe Elgiti, të cilët ndajnë jo vetëm dashurinë për njëri-tjetrin por edhe për djalin e tyre, Krid, vazhdojnë përpara si një familje e bashkuar
. Sepse dashuria e vërtetë nuk ka nevojë për shfaqje të përditshme, ajo jeton në përditshmëri, në detaje që publiku s’i sheh.
