I ftuar në “Live From Tirana” me Ronaldo Sharkën, ka qenë kreu i Lëvizjes Bashkë, kandidat për Kryetar Bashkie i Tiranës, Arlind Qori. Ai ka folur më shumë për zgjedhjen për t’iu kushtuar politikës dhe çfarë shpreson ai që të ndryshojë në shoqëri…
Ronaldo: Dukeni simpatik!
Arlind: Të falënderoj, nuk ma kanë thënë shpesh këtë gjë. Çfarë nuk dëgjon njeriu në jetë!
Ronaldo: Nëse fiton zgjedhjet për t’u bërë kryebashkiak i Tiranës, mund të ma ofroje si gjë që të të ndihmoja në imazh. Mendoj që do ishte më mirë pak më shumë stil.
Arlind: Është kohë e humbur pastaj për gjëra të tjera, nga studimi, nga takimi me njerëz, nga organizimi.
Ronaldo: Ka diçka që nuk më bind, që ju këtë gjë e bëni qëllimisht. Se edhe pedagog, edhe kryetar i Lëvizjes Bashkë, me të njëjtat atlete në studio televizive të ndryshme…
Arlind: Në fakt sot kam një palë të tjera nga ato të studios, por nuk është se kam shumë…
Ronaldo: Ngjajnë shumë…
Arlind: Një palë janë bojëqielli, të tjerat janë të zeza…
Ronaldo: Kjo nuk është tentativë për t’ju vendosur në siklet, se edhe unë me rrogën time prej modesti këtu jetoj.
Arlind: Nuk më vë fare në siklet, përkundrazi. Madje është kollaj të bësh gol me penallti për veshjen time, sepse jam qëllimisht modest.
