Shfaqja brenda shfaqjes konsiderohet “Super Bowl Half Time Show” ku të ftuarat speciale të këtij viti ishin yjet e industrisë së muzikës, Shakira dhe Jennifer Lopez.
Ajo e cila hapi spektaklin ishte Shakira e cila kishte një kohë të gjatë që i mungonte skenës. Ajo dukej në formë të shkëlqyer teksa ka kënduar hitet e saj më të njohura dhe ka performuar bashkë me trupën e baletit.
Pas saj ishte radha e J-Lo e cila dhuroi po të njejtat emocione. 50-vjeçarja solli në kujtesën e të gjithëve projektet muzikore me të cilat u bë e famshme si “Jenny From The Block”, “Love Don’t Cost A Thing” apo “Waiting For Tonight”.
Lopez dha edhe një performancë të shkurtër në tub ashtu siç bëri edhe në filmin e saj më të ri “Hustlers”.
“Super Bowl Half Time Show” zgjati 14 minuta ku mes këngëtarëve ishin të ftuar edhe reperat e muzikës latine Bad Bunny dhe J Balvin si dhe vajza e Jennifer Lopez, Emma e cila performoi për herë të parë në një spektakël kaq të madh.
