Kim Kardashian ka rikthyer vëmendjen mbi vete me një paraqitje të guximshme dhe luksoze në Aspen, vetëm pak ditë pas festimeve të Vitit të Ri në shoqërinë e Kate Hudson.
Ylli i reality show-t ndau me ndjekësit një seri fotosh në Instagram, ku shfaqej me një veshje tejet provokuese: një korse e hapur që nxirrte në pah dekoltenë, pantallona të ngushta lëkure dhe një pallto me gëzof që i jepte pamjes një prekje dramatike.
Flokët e gjatë të zinj i binin lirshëm mbi supe, ndërsa manikyri i kuq dhe një byzylyk elegant plotësonin look-un glam, raportojnë mediat ndërkombëtare.
Në përshkrimin e postimit, Kim u mjaftua me një fjalë të vetme: “ASPEN.” Fotografitë u pritën me mijëra pëlqime dhe komente, ku fansat vlerësuan stilin dhe vetëbesimin e saj.
Më vonë, Kardashian u shfaq edhe me një tjetër kombinim tërësisht të zi, duke veshur një xhaketë lëkure me detaje gëzofi dhe pantallona të ngushta, të shoqëruara me syze të mëdha dielli dhe një kapelë leshi që i shtonte pamjes një elegancë misterioze.
Seria e daljeve të saj nuk u ndal aty. Kim u pa edhe në Nobu Malibu gjatë një darke me vajzën e saj, North West, ku kishte zgjedhur pantallona lateksi të kuqe dhe një xhaketë të shkurtër prej lëkure artificiale.
Me çdo paraqitje publike, Kim Kardashian dëshmon se di si të jetë gjithmonë në qendër të vëmendjes, duke e kthyer stilin e saj ekstravagant në një markë personale.
