Taylor Swift dhe i fejuari i saj, ylli i NFL Travis Kelce, mund të kurorëzojnë dashurinë e tyre në Rhode Island, sipas një burimi për Page Six.
Edhe pse mediat kanë raportuar se çifti nuk ka nxitim për martesë, burimi thekson se dasma pritet të mbahet verën e ardhshme, ndërsa këngëtarja thuhet se dëshiron të bëhet nënë sa më shpejt.
Lajmi ka ngjallur reagime të shumta, dhe ndryshe nga rastet e tjera të ngjarjeve të profilit të lartë që kanë shkaktuar pakënaqësi lokale, guvernatori i Rhode Island, Dan McKee, është shprehur i entuziazmuar për mundësinë që shteti i tij të jetë mikpritës i një prej dasmave më të përfolura.
Rhode Island ka disa nga vendet më të mira për dasma në botë, po e them
-shkroi ai në rrjetet sociale.
Ndërkohë, vila luksoze e Taylor Swift në zonën Watch Hill të Westerly-t po i nënshtrohet një rinovimi madhor me një investim prej 1.7 milionë dollarësh.
Punimet përfshijnë ndërtimin e një krahu të ri me një dhomë gjumi të madhe, më shumë banjo dhe një kuzhinë të përmirësuar.
Swift e bleu rezidencën në vitin 2013 për 17.5 milionë dollarë. Shtëpia përfshin tetë dhoma gjumi, dhjetë banjo, një pishinë dhe kopshte të gjera në një truall prej mbi 21,000 metrash katrorë.
Rinovimet e fundit po ushqejnë më shumë spekulimet se kjo pronë mund të shërbejë si vendi i madh i dasmës së ardhshme të çiftit.
