Travis Kelce i ka bërë një propozim romantik për martesë Taylor Swift-it, menjëherë pas xhirimeve të episodit rekord të podkastit “New Heights”.
Sipas burimeve për “Page Six”, gjatë kohës që çifti po regjistronte episodin në studio, një ekip i posaçëm po transformonte oborrin e shtëpisë së sportistit, duke e kthyer atë në një kopsht magjik për momentin e veçantë. Pasi përfunduan xhirimet, Kelce e surprizoi këngëtaren me propozimin e shumëpritur.
Në podkastin e drejtuar nga Jason Kelce, Taylor dhe Travis ndanë detaje të lidhjes së tyre, ndërsa artistja përfitoi rastin për të promovuar albumin e saj më të ri “The Life of a Showgirl”, i cili publikohet më 3 tetor.
Burimi shtoi se Kelce kishte menduar prej kohësh për t’i propozuar martesë Swift-it, por priste vetëm momentin e duhur për ta realizuar, duke marrë parasysh turneun e saj dhe sezonin e tij në NFL.
Fansat e këngëtares, të njohur si “Swifties”, kishin dyshuar prej ditësh për këtë surprizë, pasi kishin vënë re disa të dhëna që lidhnin xhirimet e “New Heights” me propozimin romantik të Kelce.
Ky moment i ëmbël e forcon edhe më shumë lidhjen e çiftit që prej muajsh është në qendër të vëmendjes së mediave.
