Madonna ka habitur fansat me një rrëfim të papritur gjatë promovimit të albumit të saj më të ri, “Confessions II”, duke zbuluar emrin e personit që, sipas saj, ka qenë partneri më i mirë që ka pasur ndonjëherë.
Ikona e muzikës pop mori pjesë në një intervistë për platformën Grindr, ku foli hapur për jetën personale dhe historitë e saj romantike ndër vite.
Kur u pyet se cila kishte qenë përvoja më e bukur në dashuri, Madonna u përgjigj se do të përmendte vetëm njerëz që nuk jetojnë më. Më pas, ajo surprizoi të gjithë duke përmendur John F. Kennedy Jr., djalin e ish-presidentit amerikan John F. Kennedy.
Sipas mediave ndërkombëtare, Madonna dhe Kennedy Jr. kanë pasur një lidhje të shkurtër në fund të viteve 1980. Në atë kohë, ai ishte në një marrëdhënie me aktoren Christina Haag, ndërsa Madonna ishte e martuar me aktorin Sean Penn.
Historia e tyre është përmendur edhe në librin “JFK Jr.: An Intimate Oral Biography”, i publikuar në vitin 2024. Në libër, persona pranë Kennedy-t flasin për romancën mes tyre, duke e përshkruar si një lidhje të shkurtër, por që la gjurmë të forta.
Aktualisht, Madonna raportohet të jetë në një lidhje me Akeem Morris, ndërsa intervista e plotë për Grindr pritet të publikohet së shpejti në kanalet zyrtare të platformës, përfshirë YouTube dhe Instagram.
